Мақтарал ауданының әкімі спортшы Төлеген Атакуловты қабылдады

/uploads/thumbnail/20180529164904604_small.jpg

Оңтүстік Қазақстан облысы Мақтарал ауданының әкімі джиу-джитсу бойынша әлем кубогында күміс жүлдегер атанған Төлеген Аткуловты қабылдады.

Жақында ғана Панама Республикасының астанасы Панама қаласында өткен спорттың джиу-джитсу түрінен әлем кубогында күміс жүлдегер атанған Төлеген Атакулов аудан әкімі Жамантай Бейсенбаевтың жеке қабылдауында болды. Спортшымен жеке жүздескен аудан басшысы оны жетістігімен құттықтап, арнайы марапаттады.

"Мақтаралдан шығып еліміздің атын әлемге танытып жатқан сен сияқты спортшыларымыз көп болсын. Алдағы уақытта бұдан да биік шыңдарды бағындыруыңа тілектеспін!" - деп аудан басшысы ізгі тілегін айтты.

Төлеген Атакулов 1992 жылы Мақтарал ауданында туылған. 2011 жылы Алматы қаласындағы Республикалық мамандандырылған спорт мектебіне оқуға түсіп, 2014 жылы аяқтады.

2015 жылдан бастап спорттың джиу-джитсу түрімен айналысып, Қазақстан Республикасының бірнеше дүркін чемпионы атанады. Сондай-ақ, 2016 жылы ережесіз жекпе-жектен "Алаш прайд" додасының жеңімпазы болған.

Айта кетейік, жақында ғана Панама Республикасының астанасы Панама қаласында өткен джиу-джитсу бойынша Әлем кубогында Төлеген Атаулов күміс жүлдегер атанып, еліміздің абыройын асқақтатты.

Пікір қалдыру

Қатысты Мақалалар