NASA мамандарының есебі бойынша, Ресейдің Челябинск қаласына түсіп жарылған метеориттің қуаттылығы 300-ден 500 килотоннаға дейін жетеді екен. Яғни, Хиросимаға түскен атом бомбасынан 20 есеге артық. Бұл жайында Lenta.ru хабарлайды.
Америкалық ғалымдардың айтуынша, метеориттің салмағы шамамен 7 мың тоннаны құрайды. Атмосфера қабатына ол сағатына 64 мың шақырым жылдамдықпен енген және 19-24 шақырым биіктікте жарылған. Алайда, ресейлік ғалымдар бұл пікірмен келіспейді. Олардың айтуынша, метеорит сағатына 54 мың шақырым жылдамдықпен ұшып өткен. Ал, жарылыс 30-50 шақырым биіктікте орын алған көрінеді.
Естеріңізге сала кетсек,15 ақпан күні Ресейдің Челябинск қаласының маңына аспан денесінің бірі құлаған болатын . Көз жұмғандар жоқ, алайда, дене жарақаттарын алған адамдар мыңнан асып жығылады. Алдын ала берілген мәлімет бойынша, келтірілген шығын құны 400 миллион рубльді құрайды.
www.baq.kz
Пікір қалдыру