Мемлекет басшысы Өзбекстан Республикасының президенті Шавкат Мирзиёевпен телефон арқылы сөйлесіп, оны туған күнімен құттықтады, деп хабарлайды Qamshy.kz ақпарат агенттігі Ақорданың баспасөз қызметіне сілтеме жасап.
Елбасы Өзбекстан президентіне зор денсаулық, бақ-береке және жаңа табыстар тіледі.
Мемлекеттер басшылары Қазақстан мен Өзбекстан арасындағы екі жақты ынтымақтастықтың қарқынды дамып келе жатқанын, сондай-ақ Орталық Азиядағы кооперациялық байланыстардың кеңейе түскенін ерекше атап өтті.
Пікір қалдыру