Елбасы қазақстандық жастарды жұмыс істеуге шақырды деп жазады Qamshy.kz ақпарат агенттігі. Бұл туралы мемлекет басшысы «100 жаңа есім» жобасының екінші кезеңіне өткен азаматтармен кездесу кезінде айтты.
"Мен жастарға жақсы жұмыс істеңдер деп үнемі айтамын. Пәтер тазалау ұят емес. Дұрыс па? Ең масқарасы жұмыссыз жүріп, бақытсыз өмір сүру. Еліміздегі сонша жұмыс орны бола тұра қыздарымыздың өз тәнін саудаға салғаны масқаралық. Міне жастар менімен кездеспес бұрын бала бағу немесе үй тазалау бойынша тапсырыспен қызмет көрсететін компания жұмысын маған таныстырды. Бұл да жұмыс", деді Елбасы.
Ұсынған: Әсел Болатқызы
