Саясаттанушы еліміздің әлеуметтік және экономикалық саясатын модернизациялау керек деп есептейді.  Қазақстандық саясаттанушы Данияр Әшімбаев кеше Астанада өткен "Нұр Отан" партиясының съезіне қатысты пікір білдірді деп жазады Qamshy.kz ақпарат агенттігі sputniknews.kz сайтының дерегін негізге алып. 

Саясаттанушының айтуынша, съездің негізгі күн тәртібі партияның саяси кеңесінің бағдарламасы, кеңестің жарғысы және құрамының жаңаруына қатысты болды. Ал көпшілік съезд кезінде басқарушы партияның ішінде жаңа электоралдық кезең басталады деп күтті, дейді Әшімбаев. 

"Үкіметтің отставкасы да, Ұлттық банк басшысының ауысуы осыған ыңғайластырылды. Әдеттегіден ауқымдырақ бағдарлама болады деп күтілді. Сонымен, сайлау мәселесі белгілі бір уақытқа шегерілді. Президент мейлінше лайықты кандидатураны таңдап қойған секілді. Бірақ белгілі бір уақытқа транзит мәселесін жауып қойды", - деді Данияр Әшімбаев.

Сарапшының пайымдауынша, Нұрсұлтан Назарбаевтың съезде жария еткен әлеуметтік бастамалары соңғы уақыттағы қоғамдағы әлеуметтік шиеленіске жауап болып отыр.

Дегенмен, тек әлеуметтік төлемдердің мөлшерін арттыру жеткіліксіз. Еліміздің әлеуметтік саясатын және экономикалық саясатты модернизациялау мәселесі өзекті. Саясаттанушының айтуынша, үкімет әзірге мұны жасаған жоқ, ал осындай стратегияны әзірлеуді уақыт талап етіп отыр.

Ұсынған: Әсел Болатқызы