Ақтау қаласының жоғарғы ша­ғынаудандары мен 16,17 жә­не су­дың қысымы жетпей тұр­ғын­дар­дан жиі арыз келіп түсетін 13 ық­­шамауданның, Түпқараған, Са­йын Шапағатов ауылдарының тұр­­­ғындары үшін бүгін қуаныш­ты  күн. Жергілікті бюджеттен бө­лін­ген 480 млн. теңгеге салынған сумен жабдықтаудың орталық торабы ар­қылы сағатына 300 текше метр өн­дірілген тірші­лік нәрі аталған аумақтарға  тарай­ды. Сапалы ауыз суға қол жеткізген тұрғындар­ды облыс әкімі Алик Серікұлы құттықтады: – Осы күрделі жобаны жүзеге асырып, халықтың игілігіне тап­сыруға жұмыстанған аза­маттар­ға алғысымды білдіремін. Облыс тұрғындары судан та­рықпау үшін аймақты сумен қамту жүйесін ке­зең-кезеңімен іске асыруды қолға алдық. Өткен жылы іске қосылған «Каспий» су тұшыту зауыты жаң­ғыртудан өтсе, сумен қамту аясы ұлғаяды. Сондай-ақ, алдағы уа­қыт­та Кендірліні, «Қаламқас», «Қара­жанбас» кен орындарын сумен қам­титын жобаларды жүзеге асыруды мақсат тұтып отырмыз. Судан тар­шы­лық көріп келген тұрғын­дар «Ақ­бұлақ» бағдарламасының ша­ра­патын сезінеді деген сенімдемін. Осы қуаныштарыңызбен құт­тық­таймын,-деді аймақ басшысы. Сумен жабдықтаудың орталық торабында әрқайсысы 4000 тек­ше метр болатын екі ауыз су және  екі техникалық су қоймасы жұмыс істеп тұр. Жаңа нысанды меншігі­не алған «Каспий жылу, су арнасы» МКК бас инженері А.Демидович­тің айтуынша, мұнда 26 адам тұрақ­ты жұмысқа алынған. Кәсіпорын ал­дағы уақытта жаңа қондырғының көмегімен жоғары­да аталған аумақ­тарға техника­лық суды да таратуды жоспарлап отыр. Салтанатты шара­да тұрғындар атынан сөз ал­ған Шығыс-3 шағынауданының тұр­­ғыны Қ.Қаражанов азаматтарға ал­ғыс білдірді. Сапалы ауыз су­дың игі­лігін көре бастаған тұрғын­дар халық денсаулығына, күнкөріс деңгейінің жақсара түсуіне де ті­келей қатысы бар бағдарлама ел ырыздығын еселейтініне бек сенімді.