Бүгін, Алматыда Н. Ә. Назарбаевтың бастамасы бойынша жарияланған Жастар жылының аясында жастардың CAYF Орта Азиялық фестивалі ашылды деп хабарлайды Qamshy.kz ақпарат агенттігі. 

Бұл туралы Бақытжан Сағынтаев өзінің инстаграм әлеуметтік желі парақшасында жариялады.

Ұйымдастырушылар – Тұңғыш Президент Қоры мен Алматы қаласының әкімдігі.

Біздің қаламыз екі күн бойына 7 елдің 400-ге жуық дарынды жастары қатысқан алаңға айналды.

"Қатысушылар географиясын кеңейтуді және болашақта Ресейдің, Қытай мен Кореяның, Үндістанның және басқа да елдердің жастарын шақыруды әрі фестивальды жыл сайын өткізуді ұсындым. Президент Қ.-Ж. Тоқаев келер жылды Еріктілер жылы деп жариялады, сондықтан 2020 жылы Алматыда біздің өңір елдері еріктілерінің Жастар форумын өткізуді ұсынамын.", - деді Бақытжан Сағынтаев.