Тоқаев кеше халыққа арнаған жолдауында зейнетақы қорындағы жиналған халықтың ақшасын тиісті мақсатқа пайдалануға болатыны туралы айтты. Ал бұл мәселе алдағы уақытта қалай шешілмек? Оған кімдер ие бола алады?  Зейнетақы қорындағы қаржыны берудің жолы  жасалынды ма? Осыған байланысты вице-премьер Бердібек Сапарбаев өз байламын айтты.

 - Иә, Президенттің тапсырмасы бар.  Қазір Үкімет барлық мүдделі мемлекеттік органдармен бірлесіп, аталған мәселені қарастырып, ұсыныстар енгізіп жатыр. Бұл мәселені алдымен қарау қажет, бірақ мұндай мүмкіндік есеп-шоттағы жинақтың сомасымен байланысты болуы керек. Қайткенде де алдымен тиісті есеп-қисаптар жасалып, содан кейін ғана нақты ұсыныстар болады,–деді вице-премьер Бердібек Сапарбаев.