Пекиннің аэропортында Димаш Құдайбергенді бір топ жанкүйерлері күтіп алды. Видеодан Димаштың жалғыз жүргенін байқауға болады. Ал жанкүйерлері болса Димашпен сөйлесіп, суретке түсіп, сыйлықтарын беруге мүмкіндік алды.
Қазақстандық әнші барлық жанкүйерімен емен-жарқын сөйлесіп, бәріне қолтаңбасын беріп үлгерді. Жанкүйерлерінің біріне қолтаңбасын қалдырып жатқан кезде оның атын қате жазғаны үшін кешірім сұрады.
"Кешір, кешір. Бұл менің қателігім", - деді Димаш.
Еске салсақ, Димаш Құдайбергеннің 11 наурызда Киев қаласында және 25 наурызда Прага қаласында жеке концерті өтеді.
Пікір қалдыру