Коронавирусқа байланысты карантинге жабылған Алматы қаласының басқа облыстарға қатынайтын жолдарына қойылған 27 блокбекет 19 наурыз сағат 00.00-де жұмысын бастады. Қазір арнайы блокбекеттерде қалаға кірушілер мен шығушыларды қатаң тексеріп жатыр. Қамшы тілшісі Алматыға жақын орналасқан, бірақ қалаға емес, Алматы облысына қарайтын Талғар ауданына апаратын негізгі жолға қойылған блокбекеттегі ахуалды көріп қайтты.
Алматыға Құлжа тасжолынан келе жатқан автокөліктер кіре алатын қуыс жолдардың біріне қойылған блокбекетте жол толықтай жабылған. Бұл жолдан автокөліктерді де, адамдарды да өткізбейді. Жол үстіне бетондар қойылып, полиция қызметкерлері келген адамдарды қайтарып жатыр.
Ал Талғар тасжолына апаратын негізгі жолда жағдай қарбалас. Мұнда қалаға кіруге де, қаладан шығуға да асыққандар көп. Қаладан шығатын көліктер мен адамдарға тыйым салынбағанымен, кіргісі келгендерді қатаң тексеріп жатыр. Алматыға қарай тек қалада тіркелген, бірақ белгілі себептермен карантин басталғанда қала сыртында қалған адамдар ғана кіргізіліп жатыр. Ал Алматыда жұмыс істейтін, бірақ қалаға емес, Алматы облысына қарайтын ауданында тұратындарды блокбекеттен жібермей тұр. Қалаға кіруге кезекте тұрғандардың көбісі сондай адамдар.
Алматыдан шығып бара жатқан көліктер
Алматыдан шығып бара жатқан адамдар
Полицияның тексеруінен кейін Алматыға кіргізіліп жатқан көліктер
Блокбекетте тұрған әскери техника
Блокбекеттегі жағдайды полиция мен арнайы жасақ өкілдері бақылап тұр
Алматыға кіру үшін кезекте тұрған адамдардың құжатын әкімдік өкілдері тексеріп жатыр
Қалаға кіруге асыққандардың көбі "Жұмысқа баруым керек еді" дегенді айтады
Пікір қалдыру