Бүгін, 4 сәуір күні Түркістан облысында бір адам коронавирустан көз жұмды. Бұл туралы Денсаулық сақтау министрлігі хабаралды. 

Түркістан облыстық денсаулық сақтау басқарамасының дерегінше, қайтыс болған адам 64 жаста болған. Ол – Жетісай ауданының тұрғыны.

Осылайша елде вирустан көз жұмғандар саны төркет жетті. Бұған дейін Қарағанды және Нұр-Сұлтан қаласында, Ақмола облысында бір-бір адамнан көз жұмған. 

Денсаулық сақтау минитрлігі адам өлімінен бөлек, вирус тағы 36 адамнан табылғанын хабарлады. 

Соңғы дерек бойынша, елде вирус жұқтырғандар саны 500-ге жетіп отыр:

• Нұр-Сұлтанда – 202 адам
• Алматыда  – 109 адам
• Қарағандыда – 26 адам
• Қызылорда облысында – 26 адам
• Солтүстік Қазақстан облысында – 25 адам
• Түркістан облысында – 23 адам
• Ақмола облысында – 19 адам
• Атырау облысында – 16 адам
• Шымкентте – 12 адам
• Жамбыл облысында – 9 адам
• Алматы облысында – 9 адам
• Ақтөбе облысында – 7 адам
• Шығыс Қазақстан облысында – 4 адам
• Маңғыстау облысында – 3 адам
• Батыс Қазақстан облысы – 2 адам
• Павлодар облысында – 1 адам
• Қостанай облысында – 1 адам.