Қазақстанда коронавирусты тағы 25 адам жұқтырып, бір адам қайтыс болды. Індеттен көз жұмғандар саны 5-ке жетіп отыр. Вирус анықталғандардың жалпы саны –  525.

Қайтыс болған 1947 жылғы ер адам Ақмола облысы Целиноград ауданының тумасы.

ҚазАқпараттың жазуынша, 1 наурызда науқастың жағдайы нашарлап, тыныс алу, жүрек-тамыр қызметінің жеткіліксіздігі жоғарылап, күретамырлық қысым деңгейінің жоғары болғаны байқалған. Науқас дисциркуляторлық энцефалопатия диагнозымен тіркеуде тұрған. 

–  2 сәуірде науқастың биологиялық өлімі тіркеліп, оның денесі сот-медициналық сараптама үшін Нұр-Сұлтан қаласына жеткізілді. Зерттеу жүргізу кезіндегі секциондық материалда COVID-19 анықталды. Науқас болған жерде эпидемияға қарсы шаралар жүргізілуде, сондай-ақ қарым-қатынаста болған адамдар анықталуда, –  Ақмола облыстық денсаулық сақтау басқармасының басшысы Сүлен Ілясов.

Қолда бар дерек бойынша елдегі коронавирустық жағдай төмендегідей.