Елдегі эпидемиялық жағдайды ескере отырып «Алматы – Адалдық алаңы» жобалық кеңсесі және Алматы қаласының Сыбайлас жемқорлыққа қарсы қызметі ауруханалардың COVID-19 вирусымен күресуге дайындығының жай-күйіне мониторинг жасады, деп жазады әкімдіктің баспасөз қызметі.

Бүгін қызметкерлер 7-ші қалалық клиникалық ауруханада болды.

Мониторинг маскалар, жеке қорғаныс құралдары, дезинфекция, халаттар, респираторлар және аурухананың жалпы вируспен күресуге дайындығына қатысты жүргізілді.

Сондай-ақ елде эпидемияның көп таралу кезеңі және әлеуметтік наразылыққа байланысты Сыбайлас жемқорлыққа қарсы қызмет өкілдері медициналық қызметкерлердің жағдайы туралы, аурухананың жабдықталуы бойынша әңгіме өткізді.

Коронавирустың негізгі асқынуы – пневмония және өкпе фиброзы. Ауыр науқастарды құтқару үшін тек реаниматолог қана емес, сонымен бірге арнайы жабдықталған аурухана төсегі де қажет: Ең алдымен өкпе желдеткіш аппараттары (өкпені механикалық желдету) және экстракорпоралды мембрана оттегісі.

Дәрігерлер ауыр науқастарды интубациялау кезінде ерекше қауіпке ие науқасты механикалық желдетуге ауыстыру кезінде пациенттермен тығыз байланыста болады.

Әңгіме барысында Департаменттің және «Алматы – Адалдық Алаңы» жобалық кеңсесінің өкілдері аурухана мамандардың жеткілікті біліктілігіне, коронавирустық инфекцияны жеңуге деген жеке ниеттестігі мен адалдығына сенімді болды. Барлық медицина қызметкерлері адам денсаулығы үшін күресте өздерінің жауапкершіліктерін түсінеді.

– Аурухана әкімшілігі пациенттерге тиімді көмек көрсету үшін аурухана қызметкерлерлеріне қауіпсіз жұмыс орнын жасау – басты бағыттарының бірі екенін мойындау керек. Коронавирустық инфекциямен сәтті күресте медицина қызметкерлерінің кәсіби міндеттерін сапалы және адал атқаруын ауруханаға келіп көру белгілі бір оптимизмді оятты, – деп мониторинг нәтижелерімен Алматы қаласы Сыбайлас жемқорлыққа қарсы қызмет басшысының бірінші орынбасары бөлісті.

– Мұндай мониторинг тұрақты негізде жүргізілетін болады. Біз аурухана дәрігерлері қажетті құрал-жабдықтармен жабдықталғанын көріп отырмыз. Бұл оңай жұмыс емес екенін білеміз. Қызметкерлер  күн сайын  өз жұмыстарын атқаруда. Сондықтан елдегі қазіргі жағдайға байланысты біз барлық азаматтардан үйде болуын сұраймыз, – деді «Алматы – Адалдық алаңы» жобалық кеңсесінің жетекшісі Александр Братенков.