Алматы облысы ішкі саясат басқармасының қолдауымен «Halyk» қайырымдылық қоры Текелі қаласының 100 отбасына азық-түлік қораптарын тарту етті.
Әр отбасыға 3 қораптан, барлығы 300 азық-түлік қораптары мен 500 л кұнбағыс майы көпбалалы және аз қамтылған отбасыларға жеткізілді. Қораптар отбасының әрбір мүшесіне арналған және қажетті азық-түлік өнімдерімен толтырылған.
Атап өтсек, қордың игі бастамалары Алматы облысы бойынша 2000 тұрғынды қамтыған.
Осындай ауқымды көмекті ұйымдастыру кезінде қазақстандық бизнес өкілдері де шет қалмаған.
Бейбіт Әлібеков, Әнуар Жұмағұлов және Айдар Жакупов сынды жомарт кәсіпкерлер, блогер және қоғам қайраткерлері игі істі жүзеге асыруда үлкен қолдау көрсетті.
Пікір қалдыру