Президент әкімшілігі басшысының бұрынғы орынбасары Бағлан Майлыбаев мерзімінен бұрын бостандыққа шықты. Бұл ақпаратты оның әкесі Асаубай Майлыбаев растады. Ол ұлының 30 мамырда босатылғанын айтты.

2017 жылдың 12 қаңтарда қызметінен босатылған Бағлан Майлыбаев 16 қаңтарда ұсталған еді. 

Ол ҚР Қылмыстық кодексінің 361-бабының 4-бөлігі ("Лауазымдық өкiлеттiктерді теріс пайдалану") және 185-баптың 3-бөлігі ("Мемлекеттiк құпияларды заңсыз жинау, тарату, жария ету") бойынша айыпты деп танылған. Бағлан Майлыбаев бес жылға бас бостандығынан айырылды, мүлкі тәркіленіп, мемлекеттік органдарда лауазымдарды атқару құқығынан өмір бойына бас бостандығынан айырылды.  Сот отырысы жабық тәртіпте өткен болатын.