Қазақстанда өткен тәулікте коронавирус инфекциясының белгілері бар пневмониядан 2 адам қайтыс болған. Бұл туралы денсаулық сақтау министрлігі хабарлады.

Өткен тәулікте коронавирус инфекциясы белгілері бар пневмонияның 10 жағдайы тіркеліп, 2 адам қайтыс болған.

1 тамыздан бастап барлығы 25 724 адам ауырып, оның ішінде 292 адам көз жұмды. Ал 5 591 адам жазылып шыққан.

Министрліктің хабарлауынша, қазіргі уақытта коронавирус инфекциясынан 7 379 адам ем қабылдап жатыр. Олардың арасында 30 бала бар. Стационарларда 3 811 науқас жатыр. 3 568 адам амбулаториялық жағдайда емделіп жатыр.

Жалпы 197 науқастың халі нашар. Соның ішінде 35 науқастың жағдайы аса қатты ауыр. 42 науқас өкпені жасанды желдету аппаратында жатыр.