Қытайдың Шанхай Пудун әуежайы қызметкерінің бірі коронавируспен ауыратыны анықталғаннан кейін әуежайда шу шықты, деп хабарлайды Qamshy.kz ақпарат агенттігі Daily Mail-ге сілтеме жасап. 

Шанхай Пудун әуежайының барлық қызметкері мен 14 мың жолаушы тест тапсырады.  

Әуежай қызметкерлері мен жолаушылар әуежайдан шыға алмай отыр. Әуежай есіктері жабылды. Әуе рейстері тоқтатылды. Адамдар әуежайдан шыға алмағаннан кейін әуежайда нағыз хаос басталды. Жолаушылар қашуға тырысқанымен қызметкерлер оларды қайта әуежайға әкеліп жатты.

Шанхайда жұма күні 39 жастағы ер адам мен оның 34 жастағы әйелі коронавируспен ауыратыны анықталған.

Ұлттық денсаулық сақтау комитеті сенбіде 17 адам ауруға шалдыққанын және бұл көрсеткіш жұмамен салыстырғанда көп екенін айтты.  

Сингхуа агенттігінің хабарлауынша, Пудун әуежайында инспектор болып қызмет атқаратын ер адам мен оның әйелі коронавируспен ауыратыны анықталғаннан кейін аталмыш инфекцияны жұқтырғандар саны күрт өскен.