Бүгін Алматы маңында ұшақ апаты болды. Бұл туралы Алматы әуежайының Facebook парақшасында хабарланды. 

"Бүгін сағат 17:20 шамасында Алматы әуежайына қонуға бет алған кезде Нұр-Сұлтан-Алматы бағыты бойынша келе жатқан АН-26 әуе кемесімен байланыс үзілді. Бірден дабыл жарияланды, әуежайдың авариялық-құтқару қызметкерлері оқиға орнына шықты. Алдын ала ақпарат бойынша, борт ұшу-қону жолағының соңында апатқа ұшыраған" делінген хабарламада.

Алматы қалалық қоғамдық денсаулық сақтау басқармасы баспасөз қызметінің хабарлауынша, апаттан төрт адам қайтыс болып, екі адам жансақтау бөлімінде жатыр.

"Зардап шеккен екі адам Алматы облысы Іле аудандық ауруханасына жеткізілді. Олардың жағдайы туралы әлі ештеңе білмейміз. Алматы әуежайына 10 жедел жәрдем бригадасы жіберілді. Өрт сөндірілді" делінген хабарламада.