Қазақстандық актриса Салтанай Құдайбергеноваға такси жүргізушісі шабуыл жасаған, оқиғаны полиция растады, деп жазады zakon.kz сайты.
Сайт мәліметінше, Индрайвермен тапсырыс қабылдаған такси жүргізушісі актрисаны теуіп түсіріп кеткен. Оқиға Алматыдағы Наурызбай батыр - Шевченко көшелерінің қиылысында болған.
Алматы қаласы Алмалы ауданы полиция басқармасының басшысы Есен Ысқақов іс өндіріске енгізілгенін, дене жарақатының дәрежесін анықтау үшін жәбірленушіге сот-медициналық сараптама тағайындалғанын хабарлады. Содан кейін барып қана заңнамаға сәйкес, тиісті шара қолданылады.
Қолда бар дерекке сай, жәбірленуші мен такси жүргізушісі жанжалдасып қалған. Жүргізушінің түр-тұлғасы анықталды. Алдағы уақытта оның әрекетіне құқықтық баға беріледі.
Салтанай Құдайбергенова "Кенже", "Бикештер" секілді сериалға, "Томирис" көркем фильміне түскен.
