Өткен тәулікте коронавирус инфекциясын жұқтырған 2641 жағдай тіркелді. Бұл туралы денсаулық сақтау министрлігі хабарлады.
Ведомство мәліметінше, бір тәулікте коронавирустан 20 адам қайтыс болған. 85 адамнан пневмония табылып, 5 адам көз жұмған.
КВИ+, КВИ- шалдыққандардың арасында 591 адамның жағдайы ауыр, 172 пациенттің жағдайы өте ауыр. Ал 127 науқас ӨЖЖ аппаратында жатыр.
Бүгінде 36 436 адам короновирус инфекциясынан емделіп жатыр. Олардың ішінде 12 451 пациент стационарда, 23 985 науқас амбулаториялық деңгейде ем қабылдауда.
15 сәуірдегі мәлімет бойынша, Қазақстанда 505 451 адам вакцина салдырған.
Пікір қалдыру