Қазақстанның бас санитар дәрігері Ерлан Қиясов "Ashyq" жобасына қатысты жаңа қаулысын мәлімдеді. 

Аталған құжатқа сәйкес мынадай кәсіпкерлік объектілерде "Ashyq" жобасы іске асырылсын:

• йога орталықтарын қоса алғанда, фитнес-клубтары;
• спа-орталықтары;
• сауналар, бассейндер;
• PlayStation клубтарын қоса алғанда, компьютерлік клубтар;
• боулинг клубтары;
• кинотеатрлар;
• театрлар мен филармониялар;
• асхана типіндегі объектілерді, стрит-фудтарды қоспағанда, қоғамдық тамақтану объектілері, жазғы алаңдар, фуд-корттар, банкет залдары;
• облысаралық және қалалық тұрақты емес (туристік) тасымалдар;
• бильярд клубтары;
• концерт залдары;
• ерікті қатысушылар;
• караоке;
• көрмелер;
• океанариум;
• марафондар;
• көрермендер қатысатын спорттық іс-шаралар;
• Нұр-Сұлтан, Алматы, Шымкент және Түркістан қалаларының әуежайлары;
• (2021 жылғы 7 маусымнан бастап) Ақтау және Қостанай қалаларының әуежайлары;
• лотерея клубтары және лотерея сататын өзге де орындар;
• балалардың (жабық) ойын-сауық орталықтары;
• цирктер;
• отельдер, қонақ үйлер.

Сондай-ақ Нұр-Сұлтан, Алматы, Шымкент қалаларының бас санитар дәрігерлері:

• "Ashyq" жобасына қатысатын әлеуметтік-экономикалық объектілердің қызметін шектеу өлшемшарттарының сақталуын бақылауда ұстауы тиіс;
• "Ashyq" жобасын ұйымдастыруға және енгізуге қойылатын талаптарды бұзу фактілері бойынша жобаға қатысушыларға қатысты және шектеу, карантиндік шараларды бұзуға жол берген адамдарға қатысты әкімшілік ықпал ету шараларын қолдануды қамтамасыз етсін;
• қызмет түріне тыйым салынған және рұқсат беру құжаттары жоқ объектілердің қатысуына жол бермеу.

Қаулының толық нұсқасы мына сілтемеде.