Белгілі ақын, журналист Несіпбек Дәутайұлы қайтыс болды.

Несіпбек Дәутайұлы 1947 жылы 30 ақпанда Жамбыл облысы Қордай ауданы Киров атындағы колхозда (қазіргі Кенен ауылы) дүниеге келген. Қазақ мемлекеттік университетін бітірген.

1972—1980 жылдары аудандық «Қордай» газетінде тілші, бөлім меңгерушісі, жауапты хатшы қызметтерін атқарған. Жамбыл облыстық газетінде меншікті тілші болған. Соңғы жылдары «Жамбыл» әдеби-көпшілік журналының Бас редакторы болған. Қазақстан Жазушылар одағы Жамбыл облыстық филиалының директоры қызметін атқарған.

Ол таңдаулы көркем шығармаларға арналған республикалық жабық бәйгелердің жүлдегері, Ғ.Мұстафиннің 100 жылдығына байланысты үздік әңгімелерге арналған әдеби бәйгенің бас жеңімпазы болған. ҚР Ұлттық кітапханасы өткізген «Ең үздік роман» байқауында «Құдірет пен қасірет» романы жүлде иеленген. Халықаралық «Алаш» әдеби сыйлығының, «Қазақ әдебиеті» газетінің проза жанры бойынша лауреаты.  Халықаралық «Дарабоз» әдеби бәйгесінің Бас жеңімпазы атанған.