Үшінші мегаполисте жаңадан бой көтеріп жатқан білім ордалары заманауи үлгіде салынып жатыр. Мұндағы мектептер жаңаша дизайнда жасалып, қабырғалары ерекше бояулармен әрленген. Соңғы үлгідегі техникалар мен ерекше стильдегі жиһаздар да қойылады.

Оқушыларға сапалы білім беру мақсатында жасалып жатқан жоба аясында оқу орындары лингафонды мультимедиялық кабинеттер, модификацияланған технологиялық бағыттағы сыныптар, СТЕМ-кабинеттермен қамтамасыз етілмек. Қауіпсіздікті қадағалау үшін бейнекамералар қойылып, олар құқық қорғау органдарымен орталықтандырылады. Турникеттер мен дабыл батырмалары да назардан тыс қалмайды.

Айта кетейік, бұл - құрылысқа жауапты мекемелерге қойылып отырған басты талап. Себебі қауіпсіздік пен жайлы орта сапалы білімге ықпал етеді.