Түнде Өскеменнің екі ауданында бес көлік өртеніп кетті. Мамандар көліктер әдейі өртелген деген тұжырым жасап отыр. Бұл туралы «Қамшы» порталы YK-avto.kz сайтына сілтеме жасай отырып хабарлайды.
Оқиғалардың бірі Космическая көшесіндегі аулалардың бірінде орын алды. Мұнда «Шкода Йети» автомобилі отқа оранды. Жалын оның жанындағы «ВАЗ 2115» көлігіне көшті. Өрт сөндірушілер келгенге дейін екі көлікке де біраз зақым келген.
«27-сінен 28-не қараған түні Ворошилов көшесінде тұрған «Москвич 424», «ВАЗ 21099» және «Лада Гранта» көліктері де өртенді» – деді Өскемен ТЖБ. – Жалын шарпыған аумақтың жалпы көлемі тоғыз шаршы метрді құрады».
Тергеушілер көліктерді қасақана өртеген деп болжауда.
Пікір қалдыру