Қазақстанның ішкі істер министрінің орынбасары қызметіне Руслан Жақсылықов тағайындалды, деп хабарлады Ақорда.

"Мемлекет басшысының өкімімен Руслан Фатихұлы Жақсылықов Қазақстан Республикасы Ішкі істер министрінің орынбасары – Ұлттық ұланның Бас қолбасшысы лауазымына тағайындалды, ол Қазақстан Республикасы Ұлттық ұланының Бас қолбасшысы лауазымынан босатылды" делінген хабарламада. 

Руслан Жақсылықов 1966 жылы 4 наурызда Алматы облысының Қаскелен қаласында қызметшілер отбасында дүниеге келген.

2006-2007 жылдары-ІІМ Ішкі әскерлері қолбасшысының орынбасары.

2007-2008 жылдары - Қазақстан ІІМ Ішкі әскерлер қолбасшысының бірінші орынбасары-Ішкі әскерлер Бас штабының бастығы.

2008 жылғы 4 қыркүйектен бастап - ІІМ Ішкі әскерлерінің қолбасшысы.

2013 жылғы 22 қаңтардан бастап - ІІМ Ішкі әскерлерінің Бас қолбасшысы.

2014 жылғы 24 сәуірден бастап Қазақстан Республикасы Ұлттық ұланының Бас қолбасшысы болды.