Миллионға жуық тұрғыны бар Шымкентте білім күні қарсаңында жеті білім беру нысанының құрылысы аяқталып, ел игілігіне тапсырылған болатын. Жыл соңына дейін 6 бірдей балабақша ата-налардың игілігіне тапсырылмақ Бұл туралы «Қамшы» порталы Оүтүстік Қазақстан облысы әкімінің баспасөз қызметіне сілтеме жасай отырып хабарлайды.

ОҚО әкімшілігінің ақпараттарына сүйенсек, бүгінде шаһардағы 126 мектепте 148 мыңға жуық оқушы оқиды. Бұл облыстағы мектептерде білім алатын 602 мың оқушының 25 пайызына жуығы Шымкент қаласындағы мектептерде білім алады дегенді білдіреді. Биыл Оңтүстік Қазақстанда мектеп табалдырығын алғаш аттаған 70448 оқушының 21 мыңнан астамы Шымкенттегі мектептерге қабылданды. 2015-2016 оқу жылында 1-сынып оқушыларының 30 пайызы облыс орталығындағы білім ошақтарында дәріс алмақ. Мектепке дейінгі ұйымдарда балаларды қамту көрсеткіші 77 пайызға жетті. Шаһарымызда жыл соңына дейін жаңа алты балабақшаның құрылысы аяқталмақ.  Бұл туралы облысы әкімі мәлімдеген. Еліміздегі ірі қалалардың санатына енген Шымкент қаласында бүгінде 296 мектепке дейінгі ұйым белсенді жұмыс жасауда.

Шымкент қаласы әкімінің баспасөз қызметі

 «Қамшы» сілтейді