Күні кеше Алматыдағы «Интерконтиненталь» қонақүйінде отандық дзюдо күресінің егесін көгертіп жүрген бір топ азаматқа құрмет көрсетілді. Бұл туралы "Қамшы" порталы Айқынға сілтеме жасай отырып хабарлайды.

Жуырда ғана Астанада дзюдодан әлем чемпионаты аяқталған болатын. Сол жа­рыста аса жеңіл салмақта белдескен Ел­дос Сметов бас жүлдені қанжығасына байла­са, Рустам Ыбыраев күміс медальді мойнына ілді. Жалпы, командалық есепте Қазақстан құрамасы 120 мемлекет өкіл­дері арасынан төртінші орынды иеленді. Алды­мызда тек Жапония, Франция және Оңтүс­тік Корея­ның балуандары. Бұл Қазақстан дзюдосы тарихындағы тең­дессіз оқиға екені даусыз. 
Алматыдағы жиын барысында алғаш­қы болып сөз алған республикалық дзюдо федерациясының президенті Кеңес Рақышев Астанадағы жарыстың мәні мен маңызына тоқталып, осы жарыста жа­сындай жарқыраған қос қандасымызға, олардың жаттықтырушылары және әлем чемпионатының ойдағыдай өтуі үшін тер төккен осы саланың басы-қасында жүр­ген азаматтарға зор алғысын білдіріп, оларды ақшалай сыйлықтармен мара­паттады. Сондай-ақ осыдан біраз уақыт бұрын Сараевода өткен жасөспірімдердің әлем біріншілігінде қарсылас шыдатпай, алтын жүлде алған дарынды балуан Айбо­лат Ыстыбайға ерекше құрмет көрсетілді.