Қазақстанның төрт өңірінде ауа райының қолайсыздығына байланысты ескерту жарияланды. Олар: Ақтөбе, Алматы, Атырау, Батыс Қазақстан облыстары.

Ақтөбе облысында 10 желтоқсан күні көктайғақ болады. Оңтүстік-шығыстан жел соғып, екпіні облыстың оңтүстік-батысында және орталығында 15-20 м/с-ке жетеді.

Алматы облысының оңтүстігіне тұман болады. Алакөл көліне жақын аудандарда оңтүстік-шығыстан жел соғып, оның күші 18-23 м/с-ке дейін жетеді.

11-12 желтоқсанда облыстың солтүстік-батысында солтүстік-шығыстан жел соғып, оның жылдамдығы 15-20 м/с, Алакөл көліне жақын аудандарда 29 м/с және одан да жоғары болады деп күтіледі.

Атырау облысында 10 желтоқсан күні өңірдің солтүстігі, шығысы және орталығына тұман түсіп, көктайғақ болады.

Батыс Қазақстан облысының солтүстігінде, солтүстік-батысында бұрқасын, көктайғақ болуы ықтимал. Жел шығыстан, солтүстік-шығыстан соғып, облыстың оңтүстік-шығысында жел екпіні 15-20 м/с-ке жетеді.