"Бүгін таңертең қалада немесе оның айналасында бірнеше жарылыс, атыс дауыстары және зымырандық соққылар естілді" деп хабарлады BBC.

Ресейлік күштер алға жылжып, Киевте ұрыс күшейген.

Украина ішкі істер министрлігінің ресми өкілі Киевтің Дарницкий ауданында ресейлік ұшақ атып түсірілшенін мәлімдеді.

Киевтің шетіндегі әуежайда да ұрыс жүріп жатыр. Егер ресейлік әскерлер әуежайды басып алса, Ресей армиясының Киевке кіруіне кеңінен жол ашылмақ.

Украина Қорғаныс министрінің орынбасары бүгін кешке Ресей күштері Киевтің сыртындағы аймаққа кіруі мүмкін екенін айтты.

Қақтығыс барысында Ресей күштері Киевтен небәрі 93 шақырым жерде орналасқан бұрынғы Чернобыль атом кешенін бақылауға алған.

АҚШ ол жерде украиналық сарбаздар кепілде ұстанылып отырғанын мәлім етті.

Шабуыл басталғаннан бері Украина Ресейдің басқыншылығына үш бөлек майданнан – елдің солтүстігінен, оңтүстігінен және шығысынан тосқауыл қоюға тырысып жатыр.