Тіркелмеген Демократиялық партияның жетекшісі Жанболат Мамай мен "Демпартия" өкілі, белсенді Дәурен Достияров 15 және 5 тәулікке қамауға алынды.

"Жанболат Мамайды 13 ақпан күні Қаңтар құрбандарына арналған қаралы митинг үшін 15 тәулікке қамады. Дәурен Достияр 5 тәулікке қамалды" деп жазды Жанболат Мамайдың әйелі Инга Иманбай Facebook парақшасында.

Жанболат Мамай әкімшілік кодекстің 488-бап 7-бөлімі (бейбіт жиын тәртібін бұзу), Дәурен Достияров 667-бап 1-бөлімі (полицияның заңды талабына бағынбау) бабы бойынша айыпталған.

Белсенділерлі қалада кетіп бара жатқан жерінен тоқтатып, Наурызбай ауданы полиция бөліміне арнайы көлікпен сүйреп жеткізген.

Белсенділер соңғы күндері бірнеше азаматтық көліктегі адамдар аңдып жүргенін айтқан.