Таразда қаңтар оқиғасы кезінде ұсталғандарға сот жаза кесті. Заң алдында 13 адам жауап берді, деп хабарлады "Хабар 24" телеарнасы.
Айыптылардың бәрі шартты мерзімге сотталған. Екеуіне 4 жыл, қалғандарына 3 жыл 6 айдан берілген. Олардың дені жұмыссыз.
Басылым кінәлілер қаңтар оқиғасы кезінде мүліктерді қиратып, полицияға қарсылық көрсеткенін жазады. Оқ-дәрі мен қару-жарақ ұрлаған. Олар сотта өз істеріне өкінетінін айтқан. Сондай-ақ судья бәрінің шиеттей бала-шағасының барын ескеріп, оларды сот залында босатқан.
– Сот үкімімен және пробация қызметіне жүктелетін міндеттерді орындауға міндеттісіздер. Түнгі уақытта үйде болу керек. Жұмыс, оқудан тыс уақытта үйде болу керек. Қала, аудан аумағынан сыртқа пробация қызметінің рұқсатымен ғана шығу керек. Егер пробацияда жүріп, қылмыстық құқықтарға жол берсеңіз міндеттерді, талаптарды орындамасаңыздар онда пробация қызметінің ұсынысымен тағайындалған шартты түрдегі жаза күші жойылып, жаза толықтай өтелетін болады, – деді №2 Тараз қалалық сотының судьясы Бағдат Төребекұлы.
Пікір қалдыру