Ата–анадан ақша жинаған мектеп басшысы 7 млн теңге айыппұл төлейді. Бұл туралы Абай облысындағы өткен білім беру ұйымдарының басшыларымен кездесуде оқу–ағарту министрі Ғани Бейсембаев мәлімдеді.
"Мектепте жөндеу жұмыстарына, сыныптың қажеттіліктері мен мұғалімдерге сыйлық алуға ақша жиналмауы керек. Талапты орындамағандар үшін сыбайлас жемқорлыққа қарсы іс–қимыл агенттігімен бірлесіп, мектеп басшысына 7 миллион теңге көлемінде айыппұл салу туралы шешім қабылданғалы жатыр" – деді оқу–ағарту министрі.
Сондай–ақ, енді мектепте болған мұндай жағдайлар үшін директор тікелей жауап береді.
Пікір қалдыру