Таяу шығыстың төзімі таусылғанға ұқсайды. Біршама уақыт бұрын АҚШ-қа көрсеткен өзіндік позициясы ретінде Иран мемлекеті жерасты зымырандар кешені хақында бейнероликті ғаламтор желісіне жариялаған болатын.

            Иран мемлекеті қарулы күштерінің сапына кіретін, ислам революциясының қорғаныс корпусы өте сирек кездесетін видеоны арнайы салған. Мақсаты АҚШ-қа үрей тудыру. Бұл туралы «Қамшы» порталы «Риа.Украинаға» сілтеме жасап хабарлайды.

            Құрама Штаттың дегеніне сенсек бейнороликте Иранның жерасты зымыран кешендерінің бірі ғана салынған. Парсылықтардың қолында «Кадр» және «Шахаб» деген зымырандар бар. «Кадр» зымыраны ескірген. Ол аса қауіпті емес. Ал, «Шахаб» зымыраны бөлек әңгіме. Оның алты түрі тіркелген. Бұл туралы The Iran Project мамандары хабарлап отыр. «Шахаб 6» Еуропаның барлық жеріне және АҚШ-тың шығыс жағалауларына дейін жетуі мүмкін.     

            Бүгінде бұл жерасты зымыран кешені Тегеран қаласындағы таулы аймақтың астында орналасқаны белгілі болып отыр.