Өңірлерді экономикалық дамыту жұмыстары бойынша елімізде көптеген шаралар жүйелі түрде атқарылып келеді. Соның ішінде Алматы облысында өңірді бәсекелестікті арттыру бойынша  "орнықты экономикалық өсу" жөніндегі ұлттық жобалар; қазақстандықтардың әл-ауқатын арттыруға бағытталған" шараларға аса мән беріліп, жүйелі жұмыстар атқарылуда. Осыған сәйкес, Алматы облысында еркін экономикалық аймақтар мен арнайы стартап-инкубаторлар жұмысының тәжірибесі мен ерекшеліктеріне қатысты 21 мамыр күні Алматы облысының әкімі Марат Сұлтанғазиев және «Алатау» арнайы экономикалық аймақ директоры Жәнібек Саурбек JTC компаниясының Сингапур басшысы Нельсон Люмен кездесу өткізді.

Жалпы JTC Сингапурдағы бас жоспарлардың, архитектуралық шешімдердің және келесі ұрпақ урбанизациясының бастапқы орындағы әзірлеушісі болып табылады.

Кездесуде Нельсон Лю индустриялық және еркін экономикалық аймақтар, арнайы стартап-инкубаторлар жұмысының тәжірибесімен әрі ерекшеліктерімен бөлісті. Екі тарап жер ресурстарын басқару тәртібі мен тетіктерін, тіркеу тәртібін және тұрғындарға қызмет көрсетуді талқылады. Соның ішінде Алматы облысының басшылығына Джуронгтағы «Seletar» аэроғарыш саябағы мен «Tuas» биомедициналық саябағындағы жаңа аумақтарды дамыту картасы ұсынылды.

Кездесу нәтижесінде, тәжірибе алмасу және қазақстандық мамандарды оқыту туралы келісімге қол қойылды. Сонымен қатар Нельсон Лю Қазақстанда өтетін бизнес-форумға шақырту алды.

Жиын барысында Алматы облысының өңірді дамыту үшін озық халықаралық тәжірибені тартуға ұмтылысының жарқын мысалы ретінде көрінеді. Яғни, тиімді индустриялық аймақтарымен және жоғары технологиялық шешімдерімен танымал Сингапур тәжірибесі, инвесторлар үшін аймақтың тартымдылығын арттыру және экономикалық өсуді жеделдетуде құнды құрал болып табылады.