Жол бергені үшін “рақмет“: Енді айыппұл салынуы мүмкін бе?

/uploads/thumbnail/20250121183130607_big.webp

Әлеуметтік желілерде "Рақмет" айтып сигнал қосқаны үшін айыппұл салынғаны туралы видео кең таралды. Ер адамды сигнал қосқаны үшін емес, апаттық жағдай туғызғаны үшін жазалағаны белгілі болды.

Қазақстандықтар арасында жол бергені үшін авариялық сигналды қосу әдептілік десе, бірі бұл апаттық жағдайда ғана қосылатын сигнал деген секілді пікірлер тарады. 

Сонымен "рақмет" айту мақсатында авариялық сигналды қосқаны үшін айыппұл салынады ма? Жағдайды Бас прокуратура басқармасының бастығы Жасұлан Дәулембаев түсіндірді.

"Авариялық сигнал қосқаны үшін жауапкершілік туралы айтсақ, жолда кез келген сұрақты қарастырғанда жол қозғалысы ережелерінің талаптарын басшылыққа алу керек. Ережелерде авариялық жарық сигналын қосудың нақты жағдайлары көрсетілген. Оларға жол-көлік оқиғалары, тоқтауға тыйым салынған жерлерде мәжбүрлі тоқтау, кері қозғалыс және тағы басқалар жатады. Мұндай жағдайлардан бөлек, жол қозғалысы ережелеріне сәйкес авариялық сигнал басқа да жағдайларда да, көлік құралының қауіп төндіруі мүмкін екендігін ескерту үшін қосылуы мүмкін.

Егер біреудің өтуіне мүмкіндік жасап, көмектескеніңіз үшін алғыс білдіру мақсатында сигнал қоссаңыз, бұл жол қозғалысы қатысушыларына ескерту ретінде қаралады және жауапкершілікке тартылмайды. Бір-біріңізге көмектесіп, рақмет айта беріңіздер!" – деп түсіндірді Дәулембаев.

Қатысты тегтер :

Пікір қалдыру

Қатысты Мақалалар