Белгілі саясаткер Мұхтар Тайжан өзінің фейсбуктегі парақшасында былтыр Шеңгелді ауылында болған қылмысқа қатысты сот болатындығын хабарлапты. Оның жазуынша, бейсенбі күні (20.02.14) Қаскелең қаласында сағат 8:30-да ашық түрде кезекті сот отырысы өтеді. "Біз ұлтшылдар сонда барып, қатысып, қандастарымызға ынтымағымызды көрсетсек жөн болар", - Дейді ОЛ. Естеріңізде болса былтыр Алматы облысы Шеңгелді ауылында екі шешен жігіті автоматпен екі қазақты атып тастаған. Мадияр Ақжолтаев деген Азамат сол жерде қаза тапқан, екіншісі Ерсайын Әміреев аман қалған.
Мұхтар Тайжанның айтуынша, ертеңгі сот отырысына Алматы қаласынан баратындарды Абай мен Әуезов көшелерінің қиылысынан сағат таңғы 8:00-де арнайы Автобус күтіп тұрмақ. "Ақшасы бар-жоқ жігіттер мен қыздарды бірге барып, сотқа қатысып, өзгелерге бірлігімізді білдірейік!" деп шақырды саясаттанушы
Соты ашық түрде өтеді, БАҚтардың қатысуға, фото-видео жасауға рұқсат берілген.
