Кеше Астанадағы мемлекеттік қызмет саласындағы өңірлік хаб, Экономикалық ынтымақтастық және даму ұйымы (ЭЫДҰ), сондай-ақ, еліміздің Ұлттық экономика министрлігі бірлесе отырып, «Назарбаев Университеттің» Жоғары мемлекеттік саясат мектебі және БҰҰ Даму бағдарламасының қолдауымен «Мемлекеттік қызметтің дербестігі» тақырыбында семинар өткізді. Іс-шараға еліміздің мемлекеттік органдарының жауапты хатшылары мен облыс әкімдіктерінің аппарат басшылары қатысты.

Семинар бес институттық реформаны іске асыруға бағытталған «100 нақты қадам» Ұлт жоспарында көрсетілген заманауи, кәсіби және автономды мемлекеттік аппаратты қалыптастыруды іске асыру, сонымен қатар, Мемлекет басшысының еліміздің барлық саласында ЭЫДҰ қағидалары мен стандарттарын енгізу туралы тапсырмасы аясында өткізілді. Оның мақсаты – автономды мемлекеттік аппаратты қалыптастыру бойынша ЭЫДҰ елдерінің, атап айтқанда, саяси және әкімшілік мемлекеттік қызметшілер арасында уәкілеттіліктерді ажырату тәжірибесін зерделеу және автономды әкімшілік мемлекеттік аппаратты қалыптастыру бойынша тәжірибе алмасу үшін ЭЫДҰ-ға мүше елдер мен Қазақстанның осы саладағы жұмысын талқылау.

Семинарды ашқан Астанадағы мем­лекеттік қызмет саласындағы өңір­лік хабтың басқарушы коми­тетінің төрағасы Әлихан Байменов мемлекеттік қызмет деңгейін арт­тыру, оны заманға сай дамы­тып отыру керектігін айтты. «Әри­не, мемлекеттік қызметтің дамуы қо­ғамдағы қалыптасқан дәстүр­лер­ге де, мәдениетке де байланысты. Дегенмен, Абай атамыздың «дәстүрдің озығы бар, тозығы бар» дегеніндей, біз мем­ле­кет­тік қыз­метті жетілдіргенде, ескі дәс­­түр­­лердің кейбірінен арылып, қо­ғамды алға жылжытатын жа­ңа те­тіктерді енгізе бергеніміз жөн. Се­бебі, біздің түпкі мақса­тымыз – елдің әл-ауқатын кө­теру. Алайда, біз бұл саладағы шетелдік озық тәжірибелерді айныт­пай көшір­меуіміз керек, тек зерделеп, өзімізге қажетті жақтарын алғанымыз абзал», – деді ол.

Осыдан кейін сөз алған БҰҰ Даму бағдарламасының Қазақ­стандағы тұ­рақ­ты өкілінің орынбасары Мунхтуя Алтангерел, ЭЫДҰ Мемлекеттік сек­торды реформалау басқармасының басшысы Эдвин Лау және «Назар­баев Университеттің» прези­ден­ті Шигое Катсу семинар тақы­ры­бының маңыз­дылығы мен өзек­тілігін атап өтті.

Сонымен қатар, Нидерланд жоғары мемлекеттік қызметінің бұрынғы бас директоры Ян Виллем Век өз еліндегі жоғары мемлекеттік қызметтің жетістіктері туралы өз ойын ортаға салды. Ал Чилидің жоғары әкімшілік мемлекеттік қызметінің техникалық хатшысы, Чили Сенаты заң шығарушы кеңесінің бұрынғы мүшесі Мариана Джоржд-Насименто еліндегі басқарушы мемлекеттік корпусты қалыптастыру үрдісі және мемлекеттік қызмет жүйе­сіндегі саяси-әкімшілік тепе-теңдікті қам­тамасыз ету тәжірибесі туралы тұсау­кесер өткізді.

ЭЫДҰ Мемлекеттік секторды реформалау басқармасының басшысы Эдвин Лау, сондай-ақ, ЭЫДҰ жоба менеджері Даниэль Герсон дербес мемлекеттік аппаратты құрудағы ЭЫДҰ елдерінің тәжірибелерімен бөлісті.

Дереккөз: Егемен Қазақстан