Қалалық коммуналдық қызметтерге тиесілі автобус Медеуден қалаға қатынайтын жолда жол ережесін өрескел бұзған. Қоғамдық көлік енсіз тау жолында үлкен жылдамдықпен қарсы бағытқа бірнеше рет шыққан. Оқиға түсірілген виденоы Павел Плотицын есімді азамат Фейсбук әлеуметтік желісіне жүктеген, - деп хабарлайды «Қамшы» порталы.

Оқиға 22 қараша күні болған.

«Шымбұлақтан келе жатып, қоғамдық көлікті пайдалану бізде қауіпті екеніне тағы бір көз жеткіздім. Рейстік автобус (мемлекеттік нөмір цифрлары – 711, борт нөмірі – 745) бірнеше рет өз жолаушыларын өлтіруге әрекет жасады. Яғни, тар жолда бірнеше рет қарсы бағытқа шықты, жылдамдықты шамадан тыс асырды, тағы басқа тәртіпсіздіктер..» деп жазады желі қолданушысы.