Алматыда тегін нан тарату қайырымдылық акциясы басталды. Бұл туралы «Қамшы» порталы tengrinews.kz-ке сілтеме жасап хабарлайды.
Акцияны «Алматы» әйелдер клубы қолға алып отыр. Клуб мүшелері дүкендерден нанды көп мөлшерде сатып алып, мұқтаж жандарға тегін таратуда. Шараны ұйымдастырушылар алғашқы күні көмекке мұқтаж адамдардың аз келгенін, кейін көбейгенін айтады. Клуб мүшелері бір күнде 50 бөлке нанды тегін таратуда.
Акцияны ұйымдастырушылар шараны жыл соңына дейін жалғастырамыз деп отыр.
