Elimizdiń barlyq oblystary men Almaty, Astana qalalarynda lańkestik qaýiptiń sary deńgeıi engizildi, - dep habarlaıdy Qamshy.kz.

Mundaı sheshim qabyldanǵanyn UQK tóraǵasy, lańketsikpen kúres jónindegi respýblıkalyq jedel shtab jetekshisi Vladımır Jýmakanov málimdedi. Mundaı sheshim Prezıdenttiń 2013 jylǵy 9 tamyzdaǵy jarlyǵymen bekitilgen lańkestik áreket qateri týraly aqparatty monıtorıńteý jáne halyqty qulaqtandyrý memlekettik júıesin uıymdastyrý erejesi negizinde qabyldanǵan.

Engizilgen qaýiptilik deńgeıi týraly turǵyndarǵa SMS-habarlamalar joldanýda.

UQK osyǵan baılanysty turǵyndardan qaraýsyz jatqan, ásirese symmen oralǵan, tehnıkalyq quraldary bar zattarǵa (sómke, qorap, orama, qap, chemodan, t.b.), qoǵamdyq oryndar men kólikterde kúdikti adamdarǵa nazar salyp júrýge, kúmándi zattarǵa tıispeýge, beıtanys tulǵalardan kúmándi zattardy saqtaýǵa nemese tasymaldaýǵa almaýǵa keńes beredi.

Sondaı-aq, UQK taratqan habarlamada turǵyndardyń qujat teksergen quqyqqorǵaý organdarynyń qyzmetkerlerine túsinistikpen qarap, barynsha olarǵa járdemdesý, memlekettik organdar taratqan resmı aqparatty ǵana basshylyqqa alyp, úreıge boı aldyrmaý suralady.