Almatyda kúni aqyn, Qazaqstannyń eńbek sińirgen qaıratkeri, M. Maqataev atyndaǵy syılyqtyń eki dúrkin ıegeri, aıtys óneriniń uıymdastyrýshysy Júrsin Ermannyń shyǵarmashylyq keshi ótti, - dep habarlaıdy Qamshy.kz.

Aqynnyń keshi Almaty ákimdiginiń qoldaýymen ótip otyr.

M. Áýezov atyndaǵy Qazaq memlekettik akademıalyq drama teatrynda ótken keshte Erlan Rysqalı, Erkin Nurjan, Allajar Qaıbar syndy birqatar sahna juldyzdary óner kórsetip, Dáýletkereı Kápuly, Baýyrjan Halıolla, Aıbek Qalıev, Erkebulan Qaınazar, Bolatbek Orazbaev, Iranǵaıyp Kúzembaev, Meıirbek Sultanhan, Qalıjan Bildashev, Shuǵaıyp Sezimhan, Muhtar Nıazov syndy aıtys aqyndary jyrdan shashý shashty. Kesh tizginin Alashtyń aıaýly aqyny Amanjol Áltaev ustady.

Qala ákimi Baýyrjan Baıbektiń quttyqtaýyn orynbasary Arman Qyryqbaev jetkizip, syı-syıapat jasady.

Baýyrjan Halıolla, Aıbek Qalıev, Dáýletkereı Kápuly Júrsin Ermannyń ózderine arnalǵan óleńderin oqysa, basqa da jas aqyndar Júrsin Ermannyń jyrlarynan shashý shashty.

Kesh barysynda aqyndar jasaǵan Qulmanbet aıtys ta jınalǵan jurtty bir serpiltip tastady.

Osy keshte tarıhı oqıǵa dep baǵa berýge bolatyn bir oqıǵa oryn aldy. Júrsin Ermannyń sózine jazylǵan, qazaqtyń qaıratker jazýshysy Qajyǵumar Shabdanuly týraly syr shertetin, Erlan Tóleýbaıdyń «Qajyǵumar» ániniń tusaýy kesildi. Ándi dástúrli ánshi, jyraý Allajar Qaıbar oryndady.