Qazaqstan Qyrǵyzstanǵa 100 mıllıon dollar kóleminde tehnıkalyq kómek kórsetpek. Bul qarajat «jol kartasymen» qarastyrylǵan qarjylandyrý boıynsha beriletin aqsha. Bul týraly Bishkekte ótken brıfıńte Qazaqstannyń Qyrǵyzstandaǵy elshisi Aıymdos Bozjigititov málimdedi dep habarlaıdy QR SİM.

«Bólingen qarjy kedendik jáne tehnıkalyq ınfraqurylymdy jabdyqtaýǵa jáne tájirıbe júrgizilip otyrǵan eldiń zerthanasyn modernızasıalaý úshin jumsalady» dedi elshi.  

Bozjigititov Qazaqstan men Qyrǵyzstannyń jańa áriptestik qarym-qatynas deńgeıine shyqqanyn aıtty.

«Qazaqstan Qyrǵyzstannyń saýda-ekonomıkalyq jáne ınvestısıalyq basty seriktesi bolyp tabylady jáne atalmysh eldiń  syrtqy saýda aınalymynda úshinshi oryndy alady. Eki jaqty taýar aınalymynyń qarqyny bilinedi. 2016 jyldyń 11 aılyq qorytyndysy boıynsha eki jaqty saýda 1,2% ósti jáne 746,6 mıllıon AQSH dollaryn qurady. Qyrǵyzstanda 300 ortaq kásiporyn jumys isteıdi. Birshamasy 100% Qazaqstannyń kapıtalymen jumys isteýde» dedi Bozjigitov.

Qyrǵyzstanda 35 myń etnıkalyq qazaqtar turady jáne eki myńǵa jýyq qazaqstandyq stýdent bilim alyp jatyr.