Qostanaıdyń eki balasy sýısıd jasamaq bolǵan dep habarlaıdy alau.kz. Bul aqparatty Qostanaı oblystyq prokýratýra basshysy Qaırat Júsipov rastady.
2017 jyl 6 aqpanda Qostanaı qalasynyń İİB qyzmetkerleri kámelet jasqa tolmaǵan balalardyń ózine qol jumsamaq boldy degen faktisi boıynsha tekserý jumystaryn bastady.
«Qazirgi tańda Instagram jáne V Kontakte áleýmettik jelisinde densaýlyqqa qasaqana zıan keltiretin jáne ólimge ákeletin oıyndar keń tarala bastady. Osy oıyndardyń áserimen qostanaılyq eki qyz óderine qol jumsamaq bolǵan. Olar 2003 jyldyq týmasy. Abyroı bolǵanda qyzdardyń bul áreketinen aman alyp qaldy» deıdi Qaırat Júsipov.
Tergeý amaldary QR QK 105 baby boıynsha júrgizilýde.
Budan buryn «Qazaqstannyń otbasy jáne otbasylyq qundylyqtardy qoldaıtyn ata-analar asosıasıasy» azamattardy «Sınıı kıt» oıynynan balalardy qorǵaýǵa shaqyrdy.
