Atyraýda 23 jastaǵy turǵyndy belgisizderdiń óltirip ketkeni túsirilgen vıdeo Jelide tarap jatyr. Qylmys 6 aqpanda qala ortalyǵyndaǵy kafelerdiń biriniń mańynda bolǵan.
Marqum mekemeden shyqqan kezde oǵan eki adam shabýyl jasaǵan, - dep habarlaıdy Caravan.kz
Oqıǵa osy aýdanda ornalasqan keńseleriniń birinde ornatylǵan kameraǵa túsip qalǵan. Kadrlarynan tóbeles bastalǵanyn, keıin qulaǵan adamdy ekeýdiń uryp-soqqanyn kórýge bolady.
Kúdiktiler ustalǵan. Olar Maǵystaý oblysy Jańaózen qalasynyń 1995 jylǵy turǵyndary bolyp shyqty. Marqumnyń týystarynyń múddesin qorǵaıtyn advokat Aıdos Ibragımovtyń aıtýynsha, kúdiktilerdiń biri QR Qylmystyq kodeksiniń "Densaýlyqqa qasaqana aýyr zıan keltire otyryp, abaısyzda adam ólimine ákep soqqan is-áreket" baby boıynsha, al ekinshisi "Buzaqylyq" baby boıynsha iske tartylyp jatyr. Ekinshisi kepilaqy arqyly bostandyqqa shyǵarylǵan. Al onyń sybaılasy qamaýǵa alynǵan.
"Vıdeojazbaǵa qaraǵanda, ádettegi buzaqylyqty baıqaı almaısyz. Kepilaqy túrindegi bultartpaý sharasyn ózgertýge ótinish berýge nıettimin. Sosyn bapty "Adam óltirýge", naqtyraq aıtqanda, kináli adamǵa dármensiz kúıde ekeni kórineý belgili adamǵa qatysty asa qatygezdikpen adamdar toby bolyp adam óltirý babyna aýystyrý týraly ótinish bildiremiz", - dedi Ibragımov.
Aqparat kózi: Tengrinews.kz
