2017 jyldyń alǵashqy jartysynda Ózbek prezıdenti Shavkat Mırzıóev memlekettik saparmen Qazaqstanǵa keledi dep jazdy ru.sputniknews-uz.com.
Sapar QR prezıdenti Nursultan Nazarbaevtyń ózbek áriptesin qonaqqa arnaıy shaqyrýy aıasynda josparlanyp otyr.
Ózbektiń jańa saılanǵan prezıdentiniń Qazaqstanǵa alǵashqy sapary aıasynda eki jaqty strategıalyq áriptestik pen aldaǵy ýaqytta ony jandandyrý máselesi talqylanady dep josparlanǵan.
Sondaı-aq, saýda-ekonomıkalyq qatynastar, transporttyq logıstıkalyq áriptestikter, óńirlik deńgeıdegi yntymaqtastyq jáne basqa da máseleler talqylanatyn bolady.
«Bizdiń yntymaqtastyq dınamıkamyz 2016 jyldyń aıaǵy men 2017 jyldyń basynda belsendi bola bastady. Sáıkesinshe bizde sheshimin tabýǵa tıis suraqtar blogy paıda boldy. Sondyqtan eki lıderimizdiń kezdesýi óte ózekti jáne ýaqtyly», - dep atap ótken Ózbekstandaǵy qazaq elshiligi.
Sonymen qatar, derekkózdiń aıtýynsha, jaqyn ýaqytta basqa da eki jaqty resmı kezdesýler josparlanǵan. Atap aıtqanda, Qazaqstannyń jańa Qorǵanys mınıstrligi ókilderi qorǵanys jáne áskerı-tehnıkalyq áriptestik ornatý maqsatynda Ózbekstanǵa keletin bolady. Delegasıa ishinde ulttyq temir jol operatorlary da bolady dep kútilýde.
