Túrkıada 170-ten astam buqaralyq aqparat quraldarynyń jumystary memlekettik Zań aıasynda toqtatylyp, keıbiri memlekettiń menshigine ótti. Deıturǵanmen de, «Týrksat» spýtnıktik arnalarynda eshqandaı opozısıalyq arna joq. Tipti birde bir opozısıalyq baǵyttaǵy gazet nemese jýrnal bastyratyn tıpografıa joq. Al beıtaraptyqty ustanǵan tıpografıalardy úkimet áldeqashan aıaq-qolyn matap tastady desek bolady. Al táýelsiz aqparat quraldarynyń aýzyn býǵan sol qoǵamda álemge atyshýly DAISH-qa tıesili jýrnaldyń jaryq kórip, basylýyn qalaı túsinýge bolady deıdi aqparat kózi http://aktifhaber.com/medya/isid-dergisinin-kapaginda-reina-var-h90058.html.  Budan buryn birinshi betinde Túrik Qarýly Kúshterin jaý retinde kórsetip basqan DAISH-tyń «Rýmıah» jýrnalynyń taǵy da jańa sany jaryq kórdi. Osy jańa sanynyń muqabasynda túneý kúngi Ystanbuldaǵy «Reına» túngi klýbynda bolǵan qıan-keski shabýylǵa oryn bergen. «Kıeli Ystanbul operasıasy» degen taqyryptaǵy maqala jýrnaldyń ishki betinde keńinen jarıalanǵan.

            Sonymen qatar, jýrnalda Túrkıaǵa qatysty kóptegen aqparattar da berilgen. DAISH jáne «Sırıadaǵy  ál-Kaıdanyń» tarmaǵy bolyp kelgen ál-Nusra jıhadshyl tobyna qarasty bir emes, birneshe radıo da Ystanbulda óz jumystaryn júrgizip otyr. Sonymen qatar, DAISH-tyń jýrnaly «Rýmıah» kópten beri Túrkıada jaryq kórýde. Stambýldaǵy «Baǵyjylar» aýdanynda ál-Nusra jıhadshyl tobyna qatysty birneshe radıo áli jumys istep tur dep jazady aqparat kózi.  

Aısha Muratqyzy