«Altyn qalam» ádebı júldesi jańa maýsymyn jarıalaıdy
Almatyda, aqpannyń 16-da, saǵat 14.00, Qazaqstan baspasóz ortalyǵynda «Altyn qalam» ádebı júldesi jańa maýsymyn jarıalaıdy. Bıylǵy shara Alash qozǵalysynyń 100 jyldyǵyna arnalady. 6-shy ret uıymdastyrylyp otyrǵan baıqaý jumystardy aqpannyń 17 bastap, qyrkúıektiń 15-ne deıin qabyldaıdy.
Bıyl baıqaýǵa qazaq jáne orys tilinde jazylǵan jumystar aqpannyń 17 bastap, qyrkúıektiń 15-ne deıin qabyldanady. Oqyrmandar qyrkúıek aıynyń 30-ne deıin daýys bere alady. Ádebı týyndylardy uıymdastyrý komıtetiniń adebiet2014@gmail.com, kenze2002@mail.ru elektrondyq poshtasyna joldaýǵa bolady. Konkýrs jaıly tolyq málimetti júldeniń www.akalam.kz resmı saıtynan bile alasyzdar. Saıysqa túsken barlyq shyǵarma atalǵan saıtta ornalastyrylady. Oqyrmandar tómendegi atalymdar boıynsha daýys beredi:
1. JYLDYŃ ÚZDİK POEZIASY
2. JYLDYŃ ÚZDİK PROZASY
3. «DARABOZ» - JYLDYŃ ÚZDİK BALALAR JÁNE JASÓSPİRİMDER
SHYǴARMASY
4. ESENJOL DOMBAEV ATYNDAǴY JYLDYŃ ÚZDİK SATIRASY
5. JYLDYŃ ÚZDİK FANTASIKA JÁNE DETEKTIV SHYǴARMASY
6. JYLDYŃ ÚZDİK KINOSENARIIİ JÁNE DRAMATÝRGIASY
7. QAZAQ ÁDEBIETİNE QOSQAN ELEÝLİ EŃBEGİ ÚSHİN
8. SHETEL AVTORLARYNYŃ ÚZDİK SHYǴARMASY
9. ALASHORDANYŃ 100 JYLDYǴYNA ARNALǴAN ARNAIY JÚLDE
Alash qozǵalysynyń 100 jyldyǵyna oraı arnaıy nomınasıanyń jarıalanýyn bıylǵy júldeniń ereksheligi retinde atap ótýge bolady. Osy atalymnyń jeńimpazy uıymdastyrýshylar atynan 1 000 000 mln teńge syıaqy alady. Bul saıysqa proza, poezıa, dramatýrgıa, satıra, ıaǵnı, kez kelgen janrda jazylǵan jumystar qatysa alady. Eń bastysy shyǵarma elimiz tarıhyn arqaý etip alyp, oqyrmandardy elin, dástúrin súıýge, qurmetteýge shaqyrýy tıis.
KONKÝRS JAILY:
Qazaq ádebıetiniń búgini men bolashaǵyna beı-jaı qaraı almaıtyn, qoǵamdyq qyzmettiń ár salasynda eńbek etip júrgen Dosym Satpaev, Qýat Dombaı, Kenje Jumanuly, Rasýl Jumaly jáne Aıdos Sarym sekildi azamattar aqyldasa kelip, 2009 jyly «Altyn qalam» ádebı júldesin ótkizý týraly bastama kótergen bolatyn. Maqsat – elimizdiń rýhanı-mádenı damýyna Qazaqstan azamaty retinde óz úlesin qosý jáne jas daryndar men jańa esimderdiń qalyń jurtqa tanylýyna yqpal etý.
Keıin baıqaýdy uıymdastyrý komıtetiniń quramyna «KTK» telearnasynyń burynǵy jetekshisi Arman Shoraev qosyldy. Sondaı-aq, uıymdastyrý jumystaryna Tatána Fılıpchık qoldaý kórsetip otyr. Úzdikterdi anyqtaýǵa oqyrmandardyń at salysýy baıqaýdyń basty ereksheligi sanalady. Shyǵarmalardy baǵalaý eki kezeńnen turady. Aıta ketetin jáıt, qazylar quramynda kásibı qalamgerler, ádebıetshiler joq. Kóptiń talqysyna usynylǵan ádebı shyǵarmalardyń avtory da kórsetilmeıdi. Mundaı talaptar júldeniń ádil ótýine kepil bola alady. Aıta ketetin jaıt, «Altyn qalam» baıqaý jumystaryna jazýshylar emes, oqyrmandar baǵa beretin Qazaqstandaǵy birinshi ádebı júlde.
«Altyn qalam» ulttyq ádebı júldesi alǵash ret 2010 jyly uıymdastyryldy. Úmitkerlerden ádebı týyndylar «Jyldyń úzdik prozasy», «Jyldyń úzdik poezıasy», «Jyldyń úzdik ǵylymı basylymy», «Jyldyń úzdik iskerlik basylymy», «Jyldyń úzdik balalar kitaby», «Blogomanıa» («E-Kitap»), «Jyldyń úzdik aýdarmasy» atalymdary boıynsha qabyldandy. Úsh aı ishinde elimizdiń ár óńirinde turatyn 75 avtordan 92 shyǵarma kelip tústi.
Erekshe atap ótetin jaıt, «Altyn qalam» júldesiniń uıymdastyrý komıteti saıası qylmysker dep aıyptalyp, Qytaı túrmelerinde 40 jyl otyrǵan, «Qylmys» atty 6 tomdyq kitapty abaqtyda jazyp shyqqan, Qytaı ókimeti tarapynan saıası sebepterge baılanysty qýdalanǵan qazaqtyń arda azamaty, talantty qalamger, búkil ǵumyry azattyq úshin kúrespen ótken Qajyǵumar Shabdanulyn «Qazaq ádebıetine qosqan zor úlesi úshin» marapattady. Bul Qajyǵumar Shabdanulynyń týǵan jerinen alǵan alǵashqy ádebı syılyǵy jáne osy syılyqty uıymdastyrǵanymyzdy maqtanysh etemiz.
2016 jyldan «ARÝNA» baspasy «Altyn qalam» ádebı júldesimen yntymaqtasa bastady. Konkýrsqa qatysýshylardyń biri Tumar Muqashteginiń balalarǵa arnalǵan «Shımaı-shatpaq» kitabyn baspadan shyǵardy. Endi baspa ótken jyldyń qorytyndysy boıynsha «Jyldyń úzdik balalar shyǵarmasy» nomınasıasynyń úzdik shyǵarmalarynyń birin kitap etip shyǵarýdy josparlap otyr.
UIYMDASTYRÝ KOMITETİNİŃ ELEKTRONDYQ MEKEN-JAIY: adebiet2014@gmail.com
BAILANYS TELEFONY 87013366053
