QR Prezıdenti Nursultan Nazarbaevtyń jıeni Aısultan Nazarbaev  Facebook paraqshasynda óziniń jańa qyzmeti týraly aıtyp berdi dep habarlaıdy qamshy.kz.

Ol buǵan deıin Qazaqstannyń fýtbol federasıasyna qatysty óziniń synı pikirlerimen kózge túsip júrgen edi. Aısultan Nazarbaev qazirde ol sózderinen aınymaıtynyn jetkizdi.

«Basshylyqqa kelgen jańa adamdar  birge otandyq fýtboldy qaıta qurýdy usynǵanda, olardyń betin qaıtara almadym. Men jańa basshylyqpen kezdesip, biz ashyq sóılestik. Qazirgi jaǵdaıǵa obektıvti túrde baǵa bere alatyn, qordalanǵan máselelerdi kóterip, onyń saldaryn tereńinen túsinetin adamdarmen sóıleskende máselelerdiń sheshim ózdiginen keldi» dep jazdy Aısultan Nazarbaev.

Fýtbol federasıasynyń jańa vıse-prezıdenti fýtboldy damytý úshin qandaı isterdi atqaratynyn da aıtyp ótti.

«Qazir biz fýtboldy kóterýimiz kerek. Ol úshin kelisim men kóp kúsh kerek. Biz birigýimiz qajet. Meniń sheshimimde eshqandaı mansapqumarlyq joq. Men QFF basqarmaımyn, strategıany anyqtamaımyn, federasıanyń kóp jumysynyń baǵytyna áser ete almaımyn. Fýtboldyń ózi alańǵa shyqqanda bizdi toppen jumys isteýge úıretedi. Munda jeke kelispeýshilikterge, emosıaǵa oryn joq. Ortaq maqsat bolǵanda toppen jumys isteımiz. Sondyqtan qazir men bólek bir aımaqty alyp, ortaq múdde úshin retke keltirýge daıyn qarapaıym qyzmetkermin. Ulttyq federasıalarmen jaqsy baılanys ornatý kerek».

Aısultan Nazarbaev ákesiniń qaıtys bolǵanyna bir jyl tolǵanda onyń jańa qyzmetke kirisetinin  adamdar belgi dep sanaıtyndaryn da jazdy.

«Nelikten biz barlyǵynan bir belgi kóremiz? Árıne men úshin bul ákemniń qurmetpen eske alýǵa taǵy bir sebep. Árıne sol kezde atqarlǵan jumystardy qazaqstandyqtar joqqa shyǵara almaıtyn shyǵar. Biz Eýropa jáne Azıanyń keıbir elderiniń  fýtbol basqarmasyndamyz. Fýtbol úshin ákemnen artyq is atqara alamyn ba, joq pa bilmeımin. Biraq men tyrysamyn» deıdi ol.