Ýkraına prezıdenti Petr Poroshenko Portýgalıa parlamenti ýkraındyqtar 1932-1933 jyldary bastan ótkergen ashtyqty genosıd dep tapty. Bul týraly Ýkraına prezıdenti  óziniń Facebook paraqshasyna jazdy.

Noticias ao minuto basylymy habarlaǵandaı, Portýgalıanyń sosıal-demokratıalyq partıasy totalıtarızm men adamzatqa qarsy barlyq áreketke qarsy ekenin aıtqan. Onyń ishinde Ýkraınada 1930 jyly bolǵan ashtyqty da basa atap ótken. Atalmysh partıanyń ókili Telmo Korreıanyń (Telmo Correia) aıtýynsha komýnızmniń qurbandary, nasısterdiń qurbandarynan álde qaıda kóp bolǵan.

Pikir talas barysynda Sosıalısik partıanyń ókili Pedrý Fılıpe Soaresh ashtyqta kóz jumǵandardy eske alyp, tiri qalǵandardyń otbasyna qurmet bildirý kerektigin aıtyp ótti.

Kompartıa ókili Antonıý Fılıpemkeń beleń alǵan ashtyqtyń qurbandary Ýkraına men qatar basqa elder de bastan ótkergenin atap ótti.

Jeltoqsan aıynda Ýkraına parlamenti basqa memleketterge 1932-1933 jyldardaǵy ashtyqty ýkraına halqynyń genosıdi dep tabýyn suraǵan. Túsindirme hatta 1932-1933 jyldary ashtyq mıllıondaǵan adamnyń ómirin jalmap, Ýkraına jáne adamzat tarıhynda qaıǵyly belgisin qaldyryp ketti dep jazylǵan.

1932-1933 jyldardaǵy ashtyq Ýkraına men qatar Qazaqstan, Qyrǵyzstan,  Soltústik Kavkaz, Ońtústik Ýral t.b elderdi jaılaǵan. Tarıhshylar men zertteýshiler sol ýaqytta qaıtys bolǵandardyń sanyn ártúrli aıtady. Jalpy sany 7-den 8 mıllıon adamǵa deıin kóz jumdy degen aparat bar. Resmı derek boıynsha Qazaqstanda – 2 mıllıon, Ýkraınada – 3,5 mıllıon, Qyrǵyzstanda – 2 mıllıon dep kórsetilgen.