Adamnyń ishki sulýlyǵy – kórkem minezi bolsa, búgingi kúni syrtqy sulýlyǵy ádemi kıingeni bylaı tursyn, túrli-tústi áshekeılermen baǵalanady. Jarqyrap júrý úshin áıelder de, er adamdar da bastan aıaq altyn-kúmis áshekeılermen  sándenip júredi. Árıne, kúmistiń janynda altynnyń baǵaly ekeni belgili. Alaıda, adam densaýlyǵyna tıgizer zıany da az emes.  

Paıǵambarymyz (Allanyń ıgiligi men sálemi oǵan bolsyn)  óz zamanynda erlerdi jibek pen altynnan tyıǵan eken. Sahabalarynyń ishinde denesine jibekten basqa eshqandaı kıimdi kıý múmkin bolmaǵan soń, Saǵd ıbn Ábý Ýaqqas (Alla oǵan razy bolsyn) degen sahabasyna ǵana qaǵıdadan tys jibek kıýine ruqsat bergen.

On tórt ǵasyr boıy sahabalar da, olardyń artynan ergen búkil musylman úmbeti de bul buıryqqa oılanbaı boıusynyp keledi.

Sonda altynnyń nendeı zıany bar? Taıaý arada ǵalymdar eger er adam altyn taqsa, altynnyń atomdary teri arqyly qan tamyrlaryna baryp, qan arqyly mıynyń jadysyna áser etip, este saqtaý qabiletine zıan keltiretindigin anyqtady. Ári er adamnyń jynystyq belsendiligin tómendetetindigi dáleldengen.

Sonda áıel adamǵa zıan emes pe? degen zańdy suraq týady. Áıel adamdarda 23, 24 kúnde aı saıynǵy tazalaný prosesi (haıyz) kelip, zıandy qandardan tazalanyp turady. Álgindeı zıandy nárselerdiń sol qan arqyly deneden shyǵatyny da  medısınalyq jaǵynan dáleldengen aqıqat.

Mine, sondyqtan Quranda, súnnette kelgen ámirlerdiń hıkmetine naqylmen de, aqylmen de boılap, boıusynyp, shúkir etý - mindetimiz bolyp tabylady.